From where I drone 🚁 🇱🇧 a while ago from Faraya 🔥بصفتي مواطن حر له حق... (Faraya, Mont-Liban, Lebanon)
From where I drone 🚁 🇱🇧 a while ago from Faraya 🔥
بصفتي مواطن حر له حق إبداء الرأي في وطن ديمقراطي (مبدئيا) حابب إبدي رأيي بموضوع تمثال مار شربل وكل مين ما بيهمو رأيي ما يقراه
بعض الغيارى على الإيمان مفكرين إنن عايشين بجمهورية أفلاطون أو بالمدينة الفاضلة واعتبرو إنو تمثال مار شربل كنا طعمينا الفقرا بمصرياتو بدل ما نحطو بفاريا، لأنو الفقر بالعالم واقف على هالكم ألف دولار ليختفي جذريا ونعيش بأمان
أولا، الشخص يللي عامل التمثال عملو من مصرياتو يللي حر فيهن، وما حدا إلو عليه عا شو بيصرفن، وقرر يوفي ندر من بعد ما مار شربل شفالو ابنو وما إلكن عليه إذا الندر تمثال أو شموع أو مشي حفا أو مساعدة فقرا. ويمكن الزلمي مساعد فقرا كمان بس مش مضطر يقدم وصولات كل ما يعملها
ثانيا، كل اللي انتقدو التمثال بحجة إنو لازم نطعمي فقرا بمصرياتو ما يسافرو بقا ولا يسهرو ولا يعملو شي بمصرياتن، ويلبسو جنفيص وياكلو خبز وبقول ويطعمو فقرا، قبل ما يشورو على العالم كيف يصرفو مصرياتن
ثالثا، حجة إنو ما منعبد تماثيل وصنم عميقة كتير، لأنو بتوحي بمدى العمق الإيماني عند الشبيبة الطيبة. صح ما منعبد صنم، ولما نطلع على حاريصا أو يسوع الملك أو أو... ما منكون عم نعبد التمثال، منكون عم نصلي بمكان بيذكر بإيماننا وبرموزو، يا فهمانين
رابعا، ما تلومو شخص مؤمن حب يكرم مار شربل متل ما هو بيحب، وما تحمّلوه مسؤولية الفقر والتعتير بهالدني. لومو رئيس كنسي بيرفض تطلع جثة من مستشفى تابع إلو إذا الأهل مش دافعين الفاتورة، ورئيس مدرسي لابس توب الفقر والطاعة، بس سيارتو موديل السنة، وقدام مكتبو في صف إمات عم يترجوه يرخّص القسط لأنو سلخ جلدن
مع احترامي لرأيكن، أنا طالع زور تمثال مار شربل بفاريا
Via @jeannakhoul
#marCharbel #saintCharbel #StCharbel #Jesus #faraya #beirut #lebanon #mea #chabrouh #kesserwen #peak #mountain #travelphotography #tourism #placestovisitbeforeyoudie #naturephotography #natureporn #landscape #dji #mavic #mavicpro #drone #fromwhereidrone #cross #Christian #rocks #geology #church
by eliasksaadeh / Instagram